|
Street Food呢間餐廳餐廳位於Timperley, 而老闆娘Sophia係一位地道嘅香港人，唔止對食物嘅質素要求高，仲對每位食客充滿熱情。坐低之後，佢親切地同我地介紹菜單上嘅特色，令我地感受到佢對美食嘅熱愛。 品味咗唔少招牌菜之後，我對呢間餐廳印象深刻到唔得咁。首先，佢哋嘅清湯腩實在係美味。湯底濃郁，如加辣椒油嘅香氣四溢，真係令人垂涎欲滴。如果你鍾意辛辣嘅味道，酸辣粉絕對係一個好嘅選擇，湯底酸辣之餘又帶少少麻辣，值得介紹。 不過最令我驚艷嘅係佢哋嘅蠔仔蛋煎餅，呢個係我喺英國嚟咗兩年嚟食過嘅最美味蠔仔煎餅！蠔味甘甜，內餡豐富，每一口都充滿咗鮮美嘅海鮮味道。 除咗美味嘅食物，佢哋嘅珍珠奶茶亦都係一大亮點。茶味濃郁，珍珠煙靭，飲完一口就令人回味無窮。 隨帶一提嘅係，呢間餐廳對食材同包裝質都好好，適合外賣！（可能因為店舖細，所以包裝都用了些心思） 但有一一點小小不足係餐廳嘅座位比較有限，可能會有少少等候時間。不過，如果你能忍受等待（或外賣（蠔仔煎餅要早些食呀！哈）） ，絕對會有一個美味嘅用餐體驗等緊你。 如果你正尋找一間唔止提供美味食物，仲服務親切，價格合理嘅港式餐廳，呢間絕對係一個唔應該錯過嘅選擇。而且，如果你自己開車嚟，附近仲有免費嘅停車場，可以停車三個鐘，方便極咗！ 最後，我要感謝Sophia（老闆娘）為我地帶嚟咁美味嘅食物，特別係啲蠔仔煎餅同牛腩飯。呢間餐廳真係係一個充滿熱情同用心嘅小店，我個人超鐘意！(後記：其實我是不想介紹這店舖，因為日後怕太多人，食吾到了！哈哈！) 【Soomap.com 飲食小編：每週一店推介 – StreetFood 】 地址詳情如下: 【SooMap.com尋找英國的香港味】 我們專為你推薦符合香港口味和由香港人經營的店舖。 只需輕按地圖，即可找到在你附近的香港風味店舖。 https://ukhks.com/plugin.php?id=aljtc_map&a=mapSearch 【SooMap和GoogleMaps之間的區別?】 【為何瀏覽SooMap時要授權位置?】 https://ukhks.com/forum.php?mod=viewthread&tid=93&extra=page%3D1
| 
925
0