MaMe's Noodle麵館

今次介紹是Stockport嘅MaMe's Noodle麵館，喺259 London Road Hazel Grove，SK7 4PL，體驗到一次非常特別嘅用餐。(PS. 冇收過店家任何費用, 純粹介紹)
餐廳靠近有個Spring Vale停車場，非常方便，而且價錢合理，三個鐘頭只需0.7英鎊。停車場位置如下: https://maps.app.goo.gl/8DV8wsuHXAVL911k9
進入餐廳嘅時候，我立刻被嗰些香港音樂及感覺吸引住。店內播放緊用專業音響+黑膠唱片嘅經典香港金曲，彷彿一下子帶我返到老香港。坐落餐廳，聽住啲老歌，整個氛圍既懷舊又溫馨。
食物方面，我特別鍾意佢哋嘅小籠包同牛腩麵。小籠包都算餡多，有湯汁，好食。而牛腩麵就再正D，牛腩嘅肉質嫩滑，湯底濃郁，配合得幾好。但係，有啲小失望嘅係珍珠奶茶，茶味比較淡，主要係奶味重啲。
老闆是由香港來了二年左右, 好好人，佢同客人嘅傾偈令整個餐館充滿咗氣氛。而在交談中，我發現餐廳嘅老闆原來就係YouTube上的網紅 (靚仔爸爸)，佢除了講得之外，廚藝原來都可以， 加上以專業音響背景同埋對音樂嘅熱情，為整個用餐體驗增添咗唔少色彩。靚仔爸爸不僅提供咗美味嘅食物，仲創造咗一個好似家嘅溫暖空間。
總體來講，MaMe's Noodle提供嘅唔單止係食物，更係一種獨特嘅文化體驗。無論係小籠包、牛腩麵，每樣都值得一試。下次我有機會會再去聽黑膠唱片及期待會再發現更多美味！
地址詳情如下:
https://ukhks.com/plugin.php?id=aljtsq&c=aljtsq&a=view&store_id=95&fbclid=IwAR1AYUKa199Mf8mrtY4M6OmekuIjXC6Ng5VafZOnvPgOtDvthbRiALrKdzo


【SooMap.com 引路，英國尋港味 】我們專為你推薦符合香港口味和由香港人經營的店舖。(輕按網站中的(地圖)就能找出你附近有多少間適合你的香港口味的店舖)
https://soomap.com