請選擇 進入手機版 | 繼續訪問電腦版
分享
首頁 門戶 資訊 查看內容

如何於英國申請成為UBER司機?(下)

發表於 2023-10-5 16:00 | 來源: exodustalent.com
560 0
摘要: 倫敦以外哪個城市 外能揸Uber搵食呢??....
很多港人打算移居英國後將香港車牌換成英國牌,再申請成為UBER司機。究竟申請程序如何?又搵唔搵到食呢?這次Exodus Talent訪問了曾在英國揸UBER的港人為大家分享。

上篇講完Uber司機申請程序,這篇會分享喺英國揸Uber的辛酸、難忘事,搵到幾多,同埋入行tips!

我係倫敦一個全職Uber司機,當時做咗大約八個月。

倫敦以外哪個城市London以外能揸Uber搵食呢?


要成功攞到呢個牌要好多時間(同心機!),因人而異,大概三至六個月不等。因為約body check、約考試等都唔係即刻有,加上TfL因為唔夠人手同想限制發牌數目,所以會優先處理續牌申請!

1. 這些地區申請PRIVATE HIRE的牌有何不同?
唔同城巿嘅private hire licence要跟番當區嘅council / borough申請,TfL嗰個只可以喺倫敦揸。詳請打”private hire licence XX[地區] council”就搜尋到。

2. 收入分別大嗎?
唔同城巿Uber收費唔同,但因為路程,乘客數目都唔同,所以唔清楚唔同city有無好大分別。
(編按:之前曾出差到Birmingham、Liverpool及Manchester,那邊的Uber比起London老實說平很多,一個短途程有時平至£3-4 就可以了。)

3. 其實做Uber搵到幾多錢? 
生意多嗎?
疫情前倫敦係有好多客,但因為司機亦多,所以唔係咩時間都咁多客,如果揀啱多客嘅繁忙時間揸的話,都可以做到客接客!
(編按:作為一個曾經差唔多個個禮拜搭Uber的人,作為乘客,最難叫車一定是weekend夜晚!Surge price有時去到1.6x, 1.8x都有。不怕捱夜的會有好多客。)

是怎樣的客人為主?
唔同時間唔同客: 
例如早上6/7am,就會係上班族,有啲係會屋企搭去車站轉Tube(地鐵),有錢啲嘅就直接返公司(多數係City of London為終點),亦有接到啲有錢嘅大學生搭Uber返學。

返工過後10am-4pm會好靜,無乜客,如果咁啱去咗住宅區就可能有啲媽媽接放學或出去食lunch,好彩的就會接到客去機場。

4pm-8pm 就是上班族收工想call Uber,或者返咗屋企再出去食飯。(編按:通常同事們都是坐Uber去飲嘢!)

10pm後就係食完飯返屋企嘅客…..

星期五六晚(越夜越多),就會有一堆出去飲酒、clubbing嘅人,或者飲完、clubbing完返屋企嘅客,有啲會係長途客,例如London去Watford,最遠試過去到Southend on Sea!

在London揸Uber要付congestion charge嗎?
以前唔洗,但由2019年4月就開始要,對司機打擊好大,因為係由司機俾嘅,入一入就差唔多£12,但Uber只charge客£1 surcharge,所以即係你要接到12個客(either start or end at congestion zone)先打和! 對日更司機大影響啲,因為7am-6pm先收錢。

編按:因為肺炎關係,政府想鼓勵踩單車,現在congestion charge已加至£15 per day,星期一至日,早上7時至晚上10時,生意難做啊。

最想知的問題,一天能賺多少?
Uber司機係自己生意,多勞多得,當然都要加上一啲運氣同策略(例如咩時間咩區會多啲客),同埋睇你開工時間(揸夜晚搵得多過日頭,weekend多生意過weekdays),交通狀況(central london always traffic jam),唔同月份唔同日子都有唔同客量! Uber每程車會收你25%車費做commission,所以車費你只係75折落袋!

我通常都揸12個鐘,做weekdays多,5/6天工作,減車租油費等等,before tax都有£500-700/week) 搵得最多試過係聖誕前一星期,啲人出街去玩去買禮物等等,好捨得洗錢,最高紀錄1日有£284,開5.5日車有£1300,減完成本都有差唔多£1000!

要交稅嗎?
當然要!Self-Employ自僱人士,要自己報稅同交N.I.(National Insurance),而收入可扣車租同油費等等,之後才打稅。
4. 有什麼辛酸、困難或難忘的事嗎?
辛酸:
工時長 – 一般香港人少揸長途車,喺香港揸非搵食車通常都係1-2個鐘嘅,要揸足10-12個鐘都要好一段時間去適應
搵廁所 – 因為倫敦城巿內可以俾你泊低架車搵廁所機會唔多,而油站都唔一定有,所以我最開心就係見到drive-thru McDonald / KFC或者shopping park嗰啲!
牛肉乾好貴 – 違泊如果捉到當然要炒牌,但倫敦好多路口都有bus lane同黃格相機,據聞因為係borough council其中一個收入來源,所以好易就會被影相收告票,告票一般都£100-120一張,頭14日乖乖交錢就半價但都要£60啦,差唔多一日白做!!!
困難:
倫敦越近巿中心越塞車,路窄又慢車,少啲耐性都唔得
人生路不熟,倫敦路都好難搵,好多位都好tricky,住宅區仲好啲,去到Central London就好混亂,好在習慣睇google map揸車,所以好快都適應到
Uber app GPS location成日出錯,好多客喺室內叫車,但喺app裏面個pick up location就喺遠遠咁,有時會去到但等極都見唔到個客
倫敦好大,好多時每一日都會去到新地方,要安全無誤咁送到客人去目的地都要花啲心思
難忘:
每日接唔同嘅客都會有唔同經歷,有唔少得意嘅故事。但其中令我最開心嘅就係,雖然香港只係一個好細嘅城巿,但好多人都認識呢個地方,仲通常都係好正面嘅感覺! 可能係喺倫敦好少好少有Chinese Uber Driver,好多時啲客都會問我喺邊道嚟,當我話I am from Hong Kong,好多客都同我分享佢地關於香港嘅故事! 有喺香港打過工嘅,有喺赤柱開過餐廳,有嚟旅遊過嘅,而通常最易打開話題就係香港嘅食物,個個都讚不絕口! 
其中接過一個喺醫院嘅客,係一對夫婦同埋新出世嘅BB,傾開香港原來BB係喺佢地喺香港住嘅時間”製造”嘅,剛剛返倫敦生B…. I said “Oh,you baby is made in HK and now a driver from HK drives him home!”
有一晚接咗一位金髮女士,when I told her I am from HK,佢突然用純正cantonese talk to me. She was born in HK and came back to UK at 12 y/o. 我俾佢嚇親,she told me as her mum spoke in Cantonese with her,so she still can speak very well。我心諗: 好在我無用中文話佢係短途客啫(註: 我一向非常好服務唔揀客亦唔會西短途客面!) 
我可是一個4.97星星評分嘅司機喔,服務優良!
其中令我最開心嘅就係,雖然香港只係一個好細嘅城巿,但好多人都認識呢個地方,仲通常都係好正面嘅感覺!

5. 你對有意移居英國,或已在英國,有意入行者有什麼建議和提示?
因為要3年牌齡先可以考牌,所以新牌仔就要等吓先可以入行
雖然倫敦揸車同香港一樣右軚,但基本上路面上有好多唔同,有啲新路牌,speed limit,唔同火車站機場都有唔同上落客區,所以唔應該未喺倫敦揸過車就做Uber,畢竟你載住幾條陌生人生命,唔可以咁不負責任。
因為係自僱關係,而工作時間又好彈性,你可以隨時開工收工,所以如果你自問唔夠disclipine的話就好易成日唔開工或好快收工! 呢份工係多勞多得,你揸幾多個鐘,租車錢都係咁多,所以一定唔好揸太短時間,否則只係幫租車公司同油站打工!
Uber客好鍾意同司機傾偈(雖然好似會影響交通安全?!),所以其實係一個好好機會練習listening & oral! 唔好浪費呢個機會,放膽去講,好快就pick up到! 當然如果你仲唔係好熟路,就唔好掛住傾偈喇! 可以禮貌地打完招呼唔出聲便可。
亦因為成日同人傾,所以都係好機會同人介紹吓香港,或者講吓香港嘅形勢等等!
坐過Uber都知,你會俾分司機,所以最緊要有禮貌,上落車打招呼呢啲唔少得,有行李的話我一定會落車幫手放入車尾! 除咗希望佢俾5星星外,佢地都會俾tips,有時係£1,有時幾鎊甚至十鎊都收過,傾得開心,friendly D,個客開心俾tips機會都會高啲! 
試過有客趕去機場或火車站搭飛機搭車,我都會好著緊同埋會update吓佢大概幾點到,叫佢放心,落車前叫佢執好passport等等…… 唔係為咗佢俾tips,因為佢一句sincere thank you… 俾到你嘅滿足可能更大!
多謝遊走英國的版主詳細的分享呢!

喜歡本文的話記得like, share and comment Exodus Talent的page!

*(編按:TfL (Transport of London 倫敦運輸署)於2019年11月決定褫奪Uber London的經營權,原因是Uber 對於司機的身分規管不足。Uber正在上訴中,服務仍繼續,而市場亦有新的經營者,包括Ola, Bolt及Kapten。)