請選擇 進入手機版 | 繼續訪問電腦版
分享
首頁 門戶 資訊 查看內容

如何於英國申請成為UBER司機?(上)

發表於 2023-10-5 16:00 | 來源: https://exodustalent.com/
1744 0
摘要: 怎樣的車才能做Uber? 以倫敦為例: 要係2008年或以後出廠嘅4門車,最少可以戴4個人 .....

為什麼會想做Uber司機?
其實喺香港時已經好想做Uber司機,但係因為香港Uber唔合法,要冒住被警察放蛇嘅風險,惟有打消呢個念頭! 去到倫敦,呢一個夢又再次出現,Uber喺倫敦係合法的*,同埋都有幾大嘅demand,似乎係一個唔錯嘅職業! 當然,我非常鍾意揸車,去到一個新地方,嘗試一個新職業,係幾理想嘅安排!

怎樣申請成為Uber司機?
要將香港牌換成英國牌
考TFL的Private Hire Licence 
網上向Uber登記及出席briefing 

1. 如何將香港車牌換成英國車牌?
喺英國第一年,理論上係可以用番香港車牌揸車的,不過如果係長住嘅就可以將香港車牌直接轉換成英國車牌! 根據Driver and Vehicle Licensing Agency (DVLA),你住咗喺英國185日以上就可以換英國牌,喺佢地website download張form,連埋passport photo同埋£43支票同埋香港嘅車牌寄去就得! 香港車牌牌齡係可以「帶埋」去英國車牌度,只要去香港運輸署申請一份「駕駛執照細節證明」寄埋去就得!


2. 什麼是Private Hire Licence,怎樣報考?難嗎?

大致要求及步驟: 

滿21 歲以上
Holding a DVLA UK full driving licence (要棍波牌) for 3 years or above (如香港牌換可計香港牌齡)
要有喺英國合法工作(right to work) 嘅身份
於網頁指定的機構進行enhanced DBS check – 查你有否犯罪紀錄
要去驗身證明你身體壯況良好physically fit (上網睇話去自己NHS clinic做會快批啲,因為出面太多收錢就話你好fit嘅medical centre,TfL唔信)
考topographical skills assessment (我會形容為類似map test,即係考你一啲倫敦嘅基本地理知識,同埋有三條問題係要你用地圖,寫番由A點去B點點樣行,三條問題係短,中,長距離,上Youtube打topographical skills assessment就已經可以搵到教學片,考呢個試要pass應該唔會太難,除非你唔識睇地圖,不過唔緊要,嗰啲exam centre都會有啲俾錢嘅course教你,咁我睇完啲片覺得應該應付到,所以就無上堂就咁去考,1 take pass!)
其實仲有個English requirement,因為唔想啲司機唔識英文揸車會唔識睇路牌,同人溝通唔到咁,不過deadline一路defer…. 暫時仲有寬限期… 不過其實只需要去讀一啲指定嘅英文course,pass就ok!

3. 網上向Uber登記及出席briefing 
喺Uber website登記個人資料後,預約時間去佢地嘅中心,佢地最緊要係核對你嘅身份,車牌同埋最緊要嘅Private Hire Driver Licence. 然後就佢地幫你影相(用嚟喺個app度show俾乘客睇,可能因為咁唔俾你自己upload,以防”照騙”事件出現)。之後聽一個簡單嘅briefing教你點用個app同一啲交通規例,同埋一啲突發情況(例如有人喺車打交)嘅應對方法咁!最後你要準備好你架車,喺個app裏面登記好,就可以online接客!

怎樣的車才能做Uber?
以倫敦為例: 要係2008年或以後出廠嘅4門車,最少可以戴4個人,喺Uber網頁係可以搵到一個list,寫低咗邊個牌字同埋model嘅車係accepted vehicles. 但因為倫敦越來越多地方將會劃成低排放量汽車專區(即汽油車同柴油車要分別達到Euro4同Euro6準備),所以搵食車盡量唔好太舊,否則將來有啲區可能入唔到,又或者要俾路費!

Uber會資助買車嗎?
Uber driver其實係自僱人士,Uber其實只係提供一個平台俾你接單,所以佢地係唔會資助你買/租車,司機要自行解決架車同埋保險等等要求。不過佢會介紹幾個租車平台,可以one stop租車加保險攪掂! 我之前係租架Toyota Hybrid車 (成個倫敦都見到最common的uber車款),大約GBP200/week連保險!

保險有咩要求?
如果租車時包嘅保險就已滿足咗要求,如果係自己車就同保險公司講係揸Uber,佢地會俾相應嘅保險你,但係要有心理準備,同一架車,用嚟開工嘅車保會比平時自用貴幾倍!
整個過程要多久才能成為Uber司機?
只要你考到Transport for London(即係類似香港運輸署)嘅Private Hire Driver Licence,然後租/買一架有Private Hire Insurance嘅車,咁就可以了!最耐係考牌….

要成功攞到呢個牌要好多時間同心機,因人而異,大概三至六個月不等,因為約body check,約考試都唔係即刻有,同埋TfL因為唔夠人手同想限制發牌數目,所以會優先處理續牌申請先!

所以Uber呢份工唔係剛剛到英國就可以做,你要先換UK車牌,再去考呢個牌,

相信都要到埗一年後先可以做到!

上篇就先到此,下一篇會分享喺英國揸Uber的辛酸、難忘事,搵到幾多,同埋入行tips!
喜歡本文的話記得like, share and comment Exodus Talent的page!

*(編按:TfL (Transport of London 倫敦運輸署)於2019年11月決定褫奪Uber London的經營權,原因是Uber 對於司機的身分規管不足。Uber正在上訴中,服務仍繼續,而市場亦有新的經營者,包括Ola, Bolt及Kapten。)